قصيده عن غلا المهور

بسم الله الرحمن الرحيم




باسم الذي انـزل القـران وسـم السـور****وبيّن اسمائـه الحسنـى بكـل السطـور
ابدأ بك ادعيـك ياخالـق جميـع البشـر****يامن لك الطاف يسّر لي جميـع الامـور
ذي لا اراد اشي يقل له كن وحكمه ****صدروان قال للكـون كلـه در بأمـره يـدور
فالحمد له عدّمـا تثمـر جميـع الشجـر****عدّ الحصى والرماله والجبال والصخـور
سبحان ربي تبـارك كـم لعبـده صبـر****واعطاه من الوقت ذي يكفيه واعطاه نـور
ركّب له العقل والاسماع وضـوء البصـر*****وقال له احذر توقّع مـن دنايـا الغـرور
إمش الطريق السويّـه واتـرك المنحـدراحذر**** من ابليس عـدوّك لايمـد الجسـور
ياهاجسي هات بالله جاك وقـت السّحـرهيا ****انظم ابيات ووزعها لمن لـه شعـور
جيب القوافي وهات لي مسكهـا والـدّرر****ورش بالورد وعطر العود كـل الحظـور
ذي شاركونا بهذا الصـرح اكبـر مقـر****بعيد الاضحى وعيد الفطر حـل السّـرور
يامرحبـا أألاف ماسالـة سيـول المطـرمايلمع**** البرق وصوت الرعد بعـده يثـور
يامرسلي هات واشرح كل صافـي خبـرهات ****المليحات وخلّ الحامظات والمـرور
ياسامع القول من الاحـداث زاد الضجـر****مأساه تتكـرّر علينـا بالمسـا والبكـور
من هذ الاحداث قالـوا شعبنـا يحتضـر****قد معظم الناس مايجـد للعيـال الفطـور
كم من مظالـم بـارض الله زاد الضّـرر****منها البنـات العـذارا غاليـات المهـور
ياراعي البنـت خفّـف حملهـا بالبصـر****لاتثقل الشّـرط بالـدولار ترجـع تبـور
بضاعتك كسر ياخـي والحمولـه خطـر****خذ النصيحـه وسهّـل للشبـاب العبـور
حافظ عليها وصنها مـن ذيـاب البشـر****واطلب لها الزوج ذي ترضاه طول الدهور
ماينفع الشـرط كثـره للزجـاج انكسـرالعرض**** هو اغلى من الدنيا وكل القصـور
مش من معه بنت ياصاحب عليها احتكـر****ويشتري بيت في صنعا بحوشـه وسـور
ويعتبرهـا كسلعـه غالـيـه لا افتـقـرهذا ****هو الجهل عينه من قديـم العصـور
دوّر لها الشخص ذي يصلح وخذ مايسـر****واحرص عليها من اصحاب الربا والخمور
لاتقتل الزوج لاقد جـا تجـر لـه محـرمن**** اجل بنتك تقع لـه علّتـه بالصـدور
يعيـش بالهـم والغـم حيـن ودّف وقـرّوطـول**** عمـره ينكّـد نكبتـه والدبـور
ويحمـل الديـن واثقالـه ولا لـه مفـروان**** قال يشتي يأخر قاموا اهـل القبـور
لاسامحه عم كـم نخفـر وسـوّى حفـر*****وحمّله فـوق جهـده واغرقـه بالبحـور
سوّى ثلاثيـن وعـاده زاد بذنـه عصـر****وقال بنتي جميلـه تستحـق فيـف مـور
وعاد قاعه وزفّه يرقصـوا مـن حضـر****وتاج خليجي مرصّع بالجواهـر زهـور
من يشتي العزّ يعمل عرض بطنه حجـر****لا يطلب العـزّ بالـدولار حـق المهـور
ياشيخ عبده رجـاءً قـل لبعـض الاسـر****من لسنك احسن خواطر قبل دمّـي يفـور
قد بعضهـن ياصديقـي تاركـه للمصـر****وللحجـاب المميّـز عفّتـه والطـهـور
هذه حقيقـه ومـن كـذّب كلامـي نظـر****يذهب الى المول يبصر ضيقات الخصـور
يمـرّ بكيمـرت والا ماركـات الخضـر****يلقـى عجايـب عجيبـه لانميمـه وزور
امّا جراشد تشوفهـن مثـل سـوق البقـر****تزاحم النـاس بشـم الرايحـه والبخـور
وبالشـوارع تعصـور قـايـده للشـفـر****وبالسواقـه تعنتـر عـاد ابوهـا فخـور
هـذا التقـدم وهـذا حالنـا فـي خطـر****ان تخرج البنت بلا محرم تديـر الامـور
واقـل لكـم ياجماعـه قالفسـاد انتشـ****ركلاً يحاسب على اولاده وعاديـه سبـور
لازم على الاب يلاحـظ بالمسـا والبكـر****يركّب اعيان صحيحه لا يراقـب بعـور
وعـاد للـدش والتلفـاز اكبـر خـطـر****بالظهر قيله ومن مغـرب عليهـا سمـور
ان يفهـم الاب والا سرحتـه لا سـقـر****هو يفهم اللغز والمعرض عشـا للنسـور
والا فاحسـن طريقـه بزّهـم والسّـفـر****باللفـت هنـزى والا الاردنيـه فـجـور
هـذه نصيحـه لوجـه الله خذهـا عبـر****ماريد منكم عليها شكر ولا اشتـي اجـور
ملاحظه قلت باقـي بعـض لفتـة نظـر****لمـن يـزوج ويجعلهـا سفينـة عبـور
حتـى يأشّـر وسافـر لاهنـا واعتصـر****هذه جريمه فـلا تغفـر وذا ذنـب جـور
وليش ياخي تكسر وترهن مالكم والسُفَـر****من اجل تدخل وتدفـع بالمكسـر جبـور
قد كنت تبصّر وعاديـه بنتهـم بالحـذر****والرزق على الله ماهو بالطمع والغـرور
دوّر لك العم ذي عـاد يتّعـض بالخبـر****ذي يطلب الخير لبنته والفرح والسـرور
لا تطلب العم ذي حنتر ولـو هـي قمـر****يريد متجر وقطعة ارض يبنـي قصـور
والعفـو يااخـوان منكـم لا بليتـم بشـر****مع السلام المعطّـر تخصّكـم يالحظـور
واستغفـرك رب ماهبّـة ريـاح السمـر****ياغافر الذنـب والـزلات انـت الغفـور
والختم اصلي على احمد ماتـدور القمـر****وكوكب الارض داره والسماء ذي تمـور

تقبلوا تحياتي